五日四夜香港纖體瘦身團之我愛迪迪尼

各位，我哋終於到咗期待咗好耐嘅香港迪士尼樂園喇，開心到腳仔軟添，衝啊!

直通地鐵內，連扶手都係米奇頭，好鬼Q

車窗都唔例外，一律米奇

一到達，就見到米奇同班fren喺度滑浪喇。

得意好得意^^

其中三鼠，仲有一鼠忙住影相，同埋諗計點嚟慫恿佢哋駛錢，呵呵!

好多舖頭shopping喎，真係令人振奮啫。

買曬佢!買曬佢!

美國大街小鎮，好好feel

餐廳內同高飛影相，我隻手喺度咸濕緊佢，哈哈哈!

米奇waffer，得意到唔捨得食

同樣係米奇甜品，得意到食唔落，飽飽嚕!

呢條只係普通腸粉，不過都好好味。

普通早餐，搵勻都冇米奇@_@

點心拼盤，都有個蘿蔔米奇頭，算你喇!

海盗主題公園

嚇屎人喇@_@

傑克船長，扮得好似喎。

四鼠之一，本團御用模特兒，總之點都影餐飽，出現率爆燈!

新版之泰山，不過個樣似見到鬼咁，依嘩鬼叫!!!

假象象，似層層

迪士尼樂園大遊行開始喇

Golden Miickey

好有feel嘅美國大街小鎮夜景。

夜晚8點幾嘅睡公主城堡，開曬燈好靚架!

第一次去香港喎，梗係要去迪迪尼啦，雖然地方唔算大，但係四鼠由朝早十點玩到夜晚九點幾，點都唔捨得走啊！而且星期五、六、日夜晚都會放煙花，好靚好壯觀架，唔睇過真係打死唔走。

晨早一去到，入場之後就立刻搵咗間餐廳醫肚，有幾味食物精緻到唔捨得擺入口，價錢係就係貴咗少少，位位HKD150，不過勝在夠特別，四鼠出得嚟行，喺唔會計較嘅。

食完即刻出發翻轉迪迪尼，總之可以行嘅地方都唔放過，可以影嘅動靜物都影餐飽(卒之咪搞到架相機冇曬電，影唔到靚靚煙花咯，抵屎)!

果日，四鼠真係精力旺盛喇，乜鬼都玩餐飽，見到劇院有嘢睇又飛住去排隊入場，有舖頭就衝入去見到嘢就買，話之佢咩價錢，總之呢四隻嘢已經豁出去，嚟咗第三日，係時候將之前兩日死慳死抵嘅錢一Q清袋喇。

好喇，講住咁多先，行程雖然未能一一盡錄，不過就有相睇，除咗靚靚煙花之外，基本上都有影到，總算有交待喇。

祝大家有個奇妙旅程，迪士尼萬歲!!!

入場費 : 位位HKD295