天濛濛機場，我要飛喇

大家睇下，呢架係我哋坐嘅華航機啊

候機室睇機場日出，個view好正

味道唔錯嘅飛機早餐^^

日期：六月十三日

天氣： 非常晴天，有正正嘅日出睇喎

機場status：皆因有幾個等住飛香港老鼠靚女，於是好有朝氣喎，呵呵^^

朝早五點幾到咗機場，本來攰到成條蟲咁，但諗到一陣可以飛上天，實在太興奮太perfect啦！入閘之後，即刻見到載住我哋飛嘅華航機，雖然細細哋，不過唔緊要，有得飛就好開心啦。

上到機之後，機上邊冇空中少爺，反而有「老爺」@_@""...窄到痹嘅飛機，真係夠曬親密咯，連放對腳都唔舒服，如果有靚仔少爺咁都算啦，冇喇喎，梗係彈得就彈咯。

三個半鐘嘅旅程，除咗食機餐果陣比較忙之外，基本上都悶到抽曬根，冇靚仔少爺襯托，日子真係難過，瞌埋眼又瞓唔著，噢賣葛!!!

飛下飛下，唔經唔覺要到步喇，飛機已經飛上天，距離降落還會遠嗎？

香港，我哋嚟喇!!!