烚下燒下 BAR 。B 。Q PLAZA

WoW~~yummy yummy

Garlic Chicken Wing RM7.50

Garlic Fried Rice

Sweet Sauce

Deluxe Supreme Set RM35 (2 pax)

~~西冷、牛肉、豬肉、煙肉、雞肉、鮮魷、鮮蝦、烏冬麵、包菜絲、小粟米、萝卜、生菜、蕃茄

~~特加：澳洲羊肉、海蜇、綠茶豆腐、冬菇魚餅、金瓜、鮮菇

食厭咗唐餐，於是就試下新嘢（雖然BAR 。B 。Q PLAZA一啲都唔新），order咗二人份嘅Deluxe Supreme Set，睇落份餐單啲圖片就好似幾多，不過實際上就麻麻地，最後都係要加料至夠食咯！

啲料一嚟到，就嗱嗱臨夾上隻好似點心蒸籠咁款嘅爐度整熟，烚下燒下都幾過癮架，至盏鬼都係碟甜醬，啲未經調味嘅肉類淡茂茂，一點咗甜醬就好好味喇，加啲指天椒仲正添！

介紹下side order先，碟蒜頭炸雞翼外表黑孟孟，食落都好重蒜頭味，點啲泰式醬食都幾滋味架。至於隨餐附送嘅白飯，要up龜去蒜頭炒飯就要加多RM1.50，味道還好，算係up龜得過咯。

一句講曬，BAR 。B 。Q PLAZA啲嘢食值得推荐嘅，而且價錢唔會太貴，好似我呢啲搵朝唔得晚嘅人都食得起，你話佢可以貴得去邊啫，呵呵~~二人套餐加埋啲蠟雜費總共60皮左右啦，得閒記得去BAR 。B 。Q PLAZA烚下燒下喇！